Fullkomin París

Ég var víst búin að lofa ferðasögum frá París í vikunni.
Ég ætla ekki að segja annað en að þetta var svo yndisleg og ógleymanleg ferð og eiginlega ólýsanleg.
Núna erum við Magga með fráhvarfseinkenni frá hvor annarri og hringjum hálf vælandi af söknuði í hvor aðra!!
Við höfðum það svo ótrúlega kósý og vorum hálflamaðar í munninum eftir ferðina því við hættum ekki að tala frá því að við sáumst og þangað til við kvöddumst.
Núna er mín kæra Stína komin í heimsókn svo ég æta að láta nokkrar myndir nægja í þetta skiptið. Við systur höfum ekki verið saman í 16 mánuði svo við ætlum aldeilis að hafa það gott saman um helgina.

Ég óska ykkur góðrar helgi...